Fræðslufundir Handarinnar

Ofbeldi gegn konum og börnum

23. október 2008 hélt Höndin fræðslufund um hið brýna málefni:

Ofbeldi gegn konum og börnum. Þjóðfélagsmein! Hvað er til ráða?

Frummælendur:

Sigþrúður Guðmundsdóttir, framkvæmdastýra Kvennaathvarfsins, fjallar um heimilisofbeldi.

Sigríður Björnsdóttir, annar stofnandi samtakanna Blátt áfram, talar um kynferðislegt ofbeldi gegn börnum.

Guðrún Jónsdóttir, talskona Stígamóta, kynnir samtökin og úrræði sem eru í boði.

Fundarstjóri: Ólafía Ragnarsdóttir.

Að loknum erindum voru miklar umræður.

Kynning á Gestalt samtalsmeðferð

Hjónin Gústaf Edilonsson og Bergljót Valdís Óladóttir kynna

Gestalt samtalsmeðferð

8. maí 2008 í safnaðarheimili Háteigskirkju.

Á heimasíðu þeirra hjóna, www.talasaman.is segir:

„Það er hollt fyrir bæði fríska og veika að skoða sín mál. Ef þú átt við þunglyndi að stríða, þá getur verið gott að tala um hvernig þér líður, við Gestalt terapeut, sem mætir þér með virðingu, þar sem þú ert staddur/stökk tilfinningalega. Saman getum við skoðað leiðina áfram.“

Höndin hlakkar mikið til að fá þau Gústaf og Bergljótu til okkar og fá innsýn inní heim Gestalt, sem hefur, að sögn, gefið góða raun.

Fundarstjóri: Ólafía Ragnarsdóttir.

Fræðslufundur um mannréttindi

Höndin hélt fræðslufund 14. febrúar 2008 í safnaðarheimili Háteigskirkju, Ólafíustofu, klukkan 20.00.  

Jóhanna K. Eyjólfsdóttir, framkvæmdastjóri Íslandsdeildar Amnesty International, hélt erindi um mannréttindabrot og stöðu mannréttindamála hér á landi. Einnig fræddi hún okkur um þau verkefni sem Íslandsdeildin er að vinna að í dag.

Fundarstjóri varÓlafía Ragnarsdóttir.
Að loknu erindinu var boðið upp á kaffi og umræður.

Erindi um Gísla sögu og samtímann

Höndin hélt fræðslufund fimmtudaginn 24. janúar 2008 í safnaðarheimili Háteigskirkju, Ólafíustofu,  kl.20:00.

Eyjólfur Magnússon Scheving, kennari, atferlisfræðingur og formaður Handarinnar, flutti erindið Gíslasaga Súrssonar og samtíminn. 

Fundarstjóri: Ólafía Ragnarsdóttir.

Að erindi loknu var boðið upp á kaffi og óformlegt spjall.

Skemmtiþing Handarinnar

Höndin hélt Skemmtiþing sitt 13. nóvember 2007 undir yfirskriftinni

Maður er manns gaman.

Fundarstjóri var Edda Jóhannsdóttir, blaðamaður.

Frummælendur:

Sigurður „Siggi Stormur“ Ragnarsson veðurfræðingur

Helgi Seljan fv. þingmaður.

Félagar úr lögreglukórnum tóku nokkur vel valin lög undir stjórn Guðlaugs Viktorssonar.

Jón Júlíusson leikari las upp.

Diddi (Sigurður Friðriksson) flutti stutt erindi, Aldrei glaðari en nú.

Að erindum loknum var boðið upp á kaffi og veitingar.

Fræðslufundur - málþing Handarinnar

Málþing Handarinnar

Eru skólamál barna og unglinga á villigötum?

var haldið þriðjudaginn 16. október 2007.

Frummælendur

Þorbjörg Helga Vigfúsdóttir borgarfulltrúi

Illugi Gunnarsson alþingismaður.

Fundarstjóri Eyjólfur Magnússon Scheving.

Fimm mínútna ávörp héldu Gísli Már Guðjónsson nemi, Jóhanna Thorsteinsson leikskólastjóri, Harpa Sólbjört Másdóttir foreldri, og Ragnar Símonarson gullsmiður.

Að loknum erindum og ávörpum fóru fram fjörlegar umræður.

Fræðslufundur - Málþing

Höndin bauð til málþings og fræðslufundar 5. nóvember 2006.

Yfirskrift þingsins var

Jólakvíðinn

Á fundinum var meðal annars leitað svara við eftirfarandi spurningum: Er jólakvíðinn fylgifiskur jóla eða bábilja – hvað er til ráða?

Fundurinn er liður í fyrirlestraröð Handarinnar.

Eru jólin hátíð barnanna eða helsi einstaklinga og fjölskyldna þeirra?

Frummælandi er Jóhannes Jónsson í Bónus

Páll Eiríksson geðlæknir flytur hugleiðingu

Séra Sigurður Jónsson flutti erindið „Jólin koma!“

Fundarstjóri var Kári Eyþórsson, ráðgjafi.

Fræðslufundur - Málþing

Höndin hélt fyrsta fræðslufund sinn 5. mars 2006, um

eiturlyfjavandann og hvernig vinna megi bug á honum.

Frummælendur:

Mummi í Mótorsmiðjunni

Njörður P. Njarðvík rithöfundur

Ólafur Guðmundsson frá fínkiefnadeild Lögreglunnar

Fundarstjóri Karl V. Matthíasson.

Fundur 22. nóvember 2005

Líknarfélagið Höndin – sjálfstyrkingarhópur

hélt opinn fund í neðri sal Áskirkju.

Eyjólfur Magnússon Scheving leiddi fundinn og hélt framsögu.

Súsanna Svavarsdóttir rithöfundur flutti hugleiðingu.

Guðmundur Hauksson flutti erindið „Var – er“.